د دعوت او ارشاد چارو د سمون لوی ریاست د ۴۶ امارتي ادارو له کارمندانو سره اصلاحي ناستې وکړې
د دعوت او ارشاد چارو د سمون لوی ریاست اړوند د ۴۶ وزارتونو او خپلواکو امارتي ادارو د دعوت او ارشاد ریاستونو له لوري د یادو ادارو له کارمندانو سره د امر بالمعروف وزارت له لوري په امارتي ادارو کې د معروفاتو د اقامې او منکراتو د مخنیوي په موخه بېلابېلې ناستې وشوې.
د یادو ادارو د دعوت او ارشاد ریاستونو مسؤلینو د مختلفو ادارو له مسؤلینو سره په ناستو کې له هغوی وغوښتل، چې خپل سیرت او صورت له نبوي ارشاداتو سره سم جو کړي او ټینګار یې وکړ، چې د ولسي خلکو ستونزو او شکایتونو ته پر وخت رسېدنه وکړي او د کارونو ځنډ مخه یې ونیول شي.
د یادولو وړ ده، چې تر دې وړاندې هم د امر بالمعروف وزارت اړوند د دعوت او ارشاد ریاست مسؤلینو د هېواد په کچه د ټولو امارتي ادارو له مسؤلینو سره د وزارت له لوري د ټاکل شویو اصولو د پلي کولو په موخه ناستې کړې دي، چې ورسره په دې برخه کې د پام وړ بدلون راغلی دی.
