د فراه ولایت محتسبینو تېره اونۍ د مېرمنو د حقونو اړوند پنځه بېلا بېلې قضیې حل کړې دي
د فراه ولایت د امر بالمعروف ریاست اړوند د شکایتونو اورېدلو امریت مسؤلینو تېره اونۍ د مېرمنو د حقونو اړوند د میراث، ولور، نفقې او وورته نورو پېښو کې د مېرمنو پنځه قضیې حل کړې او یادې مېرمنې له خپلو شرعي حقونو څخه برخمنې شوې دي.
د یاد ولایت د امر بالمعروف ریاست د مسؤلینو په وینا: د یادو مېرمنو بېلا بېلو قضیو ته له هغه وروسته رسېدنه وشوه چې نوموړې مېرمنو د خپلو شرعي حقونو د غوښتلو پر اساس د فراه ولایت د امر بالمعروف ریاست د شکایتونو اورېدلو امریت ته عارضې شوې.
محتسبین زیاتوي، چې په یادو قضیو کې د میراث، ولور، نفقې او غیر شرعي نکاح ګانو قضیې شاملې دي، چې د محتسبینو په هڅو حل او یادې مېرمنې له خپلو حقونو څخه برخمنې شوې.
ورته مهال د یاد ولایت محتسبینو د عامه ذهنیت د سمون او په ټولنه کې د شته منکراتو د مخنیوي په موخه له ځوانانو سره ۲۲ اصلاحي ناستې وکړې.
د یادولو وړ ده، چې د د ې ولایت محتسبینو په بازارونو کې د سود، احتکار او د تاریخ تېرو موادو د خرڅلاو د مخنیوي په موخه له سوداګرو او هټۍ والو ۵۶ اصلاحي ناستې وکړې او پر سوداګرو یې ټینکار وکړ، چې د تاریخ تېر او بې کیفیته موادو له خرڅلاو ډډه وکړي.
