ننګرهار کې د امر بالمعروف او نهی عن المنکر محتسبینو ته ۷ ورځنی سيمينار دائر شو
تیره ورځ د ننګرهار مرکز جلال اباد ښار کې د دغه ولایت ټولو محتسبینو ته د دوی د ظرفیت لوړونې په خاطر یو ۷ ورځنی سيمينار دائر شو.
یاد سيمينار کې په لومړی ورځ محتسبینو ته د دعوت غوره لار، د امر بالمعروف او نهی عن المنکر ګټې او په دعوت کې غوره اخلاقو په اړه لارښوونه وشوه او هغه طریقې ورته واضحې شوې چې د بشریت لارښود رسول اکرم ﷺ به ترې ګټه اخیسته.
سيمينار د شیخ امیرجان ثاقب، مفتي عبدالوهاب او شیخ محمد ثواب (محمدي) له لوري پر مخ بیول کیږي چې ۷ ورځې به دوام کوي.
د یادونې وړ دی چې دا ډول سيمينارونه د راروانې یوې میاشتې لپاره په مشرقي ولایتونو کې د محتسبینو د ظرفیت لوړونې لپاره په پام کې نیول شوي چې پیل یې له ننګرهار وشو.
د امر بالمعروف او نهی عن المنکر وزارت له تاسیس سره سم تل دغه وزارت خپلو محتسبینو ته له عامو هیوادوالو سره پر ښه چلند زیات تاکید کوي، تر څو د شریعت په پلي کولو کې د کوم مسلمان تحقير او تذلیل رامنځته نشي.
