په غزني او پکتیا ولایتونو کې د امر بالمعروف مسؤلینو د دوو غیر شرعي نکاح ګانو مخنیوی وکړ
د پکتیا او غزني ولایتونو د امر بالمعروف مسؤلینو د مېرمنو حقونو ته په ژمنتیا په یادو ولایتونو کې د دوو غیر شرعي نکاح ګانو مخنیوی وکړ او یادې مېرمنې یې له خپلو شرعي حقونو څخه برخمنې کړې.
په دې تړاو د یادو ولایتونو د امر بالمعروف مسؤلین وایي : یادې مېرمنې چې د بې معنی غیرتونو او ناوړه دودونو په اساس غیر شرعي نکاح ګانو ته مجبورې کړل شوې وې د امر بالمعروف د مسؤلینو له لوري یې مخه ونیول شوه او د کورنیو به غړو څخه یې وغوښتل شول، چې په راتلونکي کې د داسې ناوړه کړنو له تر سره کولو ډډه وکړي.
دغه راز مسولین ډاډ څرګندوي، چې د ټولنې د ټولو دیني ارزښتونو د خوندي ساتلو لپاره به خپلې هڅې لا نورې هم ګړندۍ کړي.
بلخوا ځایي اوسېدونکي دا پرېکړې د ټولنیز عدالت د تأمین، د مېرمنو پر وړاندې له تاوتریخوالي د ډکو پېښو د مخنیوي او په ځانګړي ډول د جبري ودونو د مخنیوي غوره ګام بولي.
