د امر بالمعروف نهی عن المنکر او شکایتونو اوریدلو وزارت کې د سیرت النبي صلی الله علیه وسلم په مناسبت غونډه وشوه
د امر بالمعروف، نهی عن المنکر او شکایتونو اورېدلو وزارت په تالار کې د حضرت نبي کریم صلی الله علیه وسلم د مبارک سیرت په تړاو ځانګړې غونډه وشوه.
د سیرت النبي صلی الله علیه وسلم د سیرت په تړاو جوړه شوې غونډه چې د دې وزارت د وزیر شیخ محمد خالد الحنفي صاحب په ګډون پکې د دې وزارت معین صاحبانو، علماء کرامو، رئیسانو او کارمندانو ګډون درلودلو.
ناستې ته شیخ محمد خالد الحنفي صاحب د پیل په خبرو کې وویل: د الله تعالی رضا د رسول الله صلی الله عليه وسلم په اطاعت کې ده، موږ باید د ژوند په ټولو اړخونو کې د هغه صلی الله عليه وسلم اطاعت او اتباع وکړو.
د شیخ صاحب په وینا: (هر کله که زموږ ورځنی ژوند د رسول الله صلی الله له طریقې سره سم نه وي مطمئین و اوسئ چې موږ به د الله جل جلاله د مُحبینو بنده ګانو په ډله کې نه یو.
دا د بشریت اړتیا ده، چې د هغه صلی الله علیه وسلم په طریقه خپلې ورځنۍ کړنې، سیاست، عبادت او معاملات تر سره کړي).
دغه راز شیخ صاحب زیاته کړه اسلام د هدایت او لارښوونې دین دی، مونږ ته په کار ده، چې د ژوند په ټولو اړخونو کې پیغمبر صلی الله علیه وسلم پسې اقتداء وکړو او د ژوند هره چاره د هغه صلی الله عليه وسلم له سنتو سره سمه مخته یوسو.
