کونړ کې محتسبینو د مېرمنو (۲۱۸) بېلا بېلې قضیې حل کړې دې
د کونړ ولایت د امربالمعروف، نهی عن المنکر او شکایتونو اورېدلو ریاست محتسبینو په روان (۱۴۰۴) کال کې د مېرمنو حقونو ته په ژمنتیا او د هغوی پر وړاندې د تاوتریخوالي ډکو پېښو د مخنیوي په موخه د مېرمنو د حقونو اړوند (۲۱۸) قضیې حل کړې دې.
په تړاو یې محتسبین وایي، چې د یادې شمېرې له مخې (۳۲) د غیر شرعي نکاح ګانو،۴۵ د میراث،۲۵ کورني تاوتریخوالي، ۹۹ حقوقي قضیې او پاتې ۱۷ د مېرمنو پر سر راپورته شوې قومي دښمنۍ حل شوې دې.
دغه راز محتسبین زیاتوي چې د مېرمنو د شرعي حقونو د ورکړې تر څنګ یې په دې تړاو له دیني عالمانو، قومي مخورو او ځوانانو سره سلګونه ناستې کړې چې ور سره په یاده برخه کې د شته ستونزو په مخنیوي کې د پام وړ بدلون راغلی.
د یادولو وړ ده، چې د امر بالمعروف، نهی عن المنکر او شکایتونو اورېدلو وزارت مسؤلینو په ټول هېواد کې د مېرمنو پر وړاندې د تاوتریخوالي ډکو پېښو مخه نیولې او پر مېرمنو د ناوړه دودیزو دودونو کچه یې د پخوا په پرتله را کمه کړې ده، چې پر اساس یې مېرمنې کولی شي په ازاد ډول د خپلو شرعي حقونو غوښتنه وکړي.
