پکتیکا کې محتسبینو د نرخونو کنټرول او احتکار د مخنیوي په موخه جدي کړنې تر سره کړې
د پکتیکا ولایت د امر بالمعروف، نهی عن المنکر او شکایتونو اورېدلو ریاست مسؤلینو د اړوندو ادارو په ملتیا د مرکز ښرنې په ګډون په ولسوالیو کې په بازارونو کې د سود، احتکار مخنیوي او نرخونو کنټرول په موخه د ګرانۍ د مخنیوي په پار له ځینو دوکانونو او تجارتي ځایونو څخه لیدنه وکړه.
د څارنې پر مهال هټۍوالو ته لارښوونه وشوه، چې د پخوانیو موجوده توکو بیې به د هماغه پېرلو له قیمت سره سمې تنظیموي او د حالاتو له نوم څخه په استفادې سره به نرخ لوړونه نه کوي. همداراز ټینګار وشو، چې احتکار، د توکو پټول او یا بېځایه نرخ لوړول د شرعي او قانوني اصولو خلاف عمل دی او له سرغړوونکو سره به جدي چلند ترسره شي.
د امر بالمعروف، نهی عن المنکر او شکایتونو اورېدلو وزارت وایي، چې له یادو اصولو سرغړوونکي مسئولین به عدلي او قضایي ارګانونو ته ور وپېژندل شي او سوداګریز ځاایونه به یې وتړل شي.
