په نظامي برخه کې د امربالمعروف،نهی عن المنکر اوشکایتونواورېدلو وزارت معین د کابل داستخباراتو دمرکزي ادارې له مسؤلینو او مجاهدینو سره ناسته وکړه

یاده ناسته دمولوي رازمحمد حامد په اصلاحي او مقدماتي بيان پیل شوه ورپسې دامر بالمعروف وزارت د نظامي برخې معين مولوي عبد الرحمن منير د امر بالمعروف پراهمیت او شاليد مفصله وینا وکړه او د ناستې ګډونوالو ته يې د امر بالمعروف وزارت اواسلامي امارت د مشرتابه فرامين واورول.
ده وویل" د مشرانو اطاعت کوئ ځکه د هغوی اطاعت دالله او د الله درسول اطاعت دی".
همدا رنګه نوموړي زياته کړه چې دامر بالمعروف وزارت قوانين له ځانه نه دي وضع کړ ي بلکې دالله تعالی او دالله تعالی درسول معروفات او منهيات دي چې د امر بالمعروف نهي عن المنکر مسؤلین یې تر تاسو در رسوي.
همدا راز نوموړي پخپلو خبرو کې وویل "کشران او بې ږیري هلکان پخپلو لیکو کې مه داخلوئ؛ ځکه چې د اسلامي امارت صفونه باید له هر ډول منکر څخه پاک وي".
دغه راز ده مجاهدينو ته په خبرو کې وويل چې، "وېښتان مو باید په نبوي طریقه برابر وي، نيتونه مو صفا او اصلاح کړئ، کبر غرور ظلم او خيانت مه کوئ، دبيت مال ساتنه وکړی، په جماعت سره پنځه وخته لمونځ ادا کړئ او همدا رنګه په څلور لارو، موټرونو او واټونوباندې د شهيدانو او مشرانو عکسونه مه ځړوئ".
ښاغلي منير د ناستې په پاى کې د اميرالمٶمنين د فرمان په اساس له ټولو مسٶلينو جدي غوښتنه وکړه چې په چارو کې دي له انډيواليزم، سمت پرستۍ او ژبپالنې څخه په کلکه ډډه وکړي، چې د تخلف په صورت کې به له جدي اقدام سره مخ شي.
1443/رمضان/17