بادغیس ولایت کې هغه کس ونیول شو چې د نبوت دعوی یې کړې وه
د بادغیس ولایت د امر بالمعروف، نهي عنالمنکر او شکایتونو اورېدلو ریاست مسؤولینو د قادس ولسوالۍ اړوند سیمه کې هغه کس، چې د نبوت دعوه یې کوله، نیولی دی.
د مسؤولینو په وینا، یاد کس ادعا درلوده چې ګواکې هغه ته الهام او غیبي غږ شوی او په همدې اساس یې د نبوت دعوه هم کړې ده.
مسؤولین زیاتوي، چې د نوموړي روغتیایي، رواني وضعیت عادي دی او هېڅ کومه رواني ناروغي نه لري.
بل خوا د امر بالمعروف، نهې عنالمنکر او شکایتونو اورېدلو وزارت ویاند سیف الاسلام خیبر د یاد خبر پخلی کوي او ډاډ ورکوي، چې یاد وزارت په ټولنه د خرافاتو او ټولو هغو غیر شرعي کړنو مخنیوي ته ژمن دی، چې ټولنه بې لاریيو ته سوقوي.
یاده دې وي، چې نیول شوی کس د شرعي سزا لپاره عدلي او قضایي ارګانونو ته سپارل شوی دی.
