محتسبینو په څلورو ولایتونو کې له سوداګرو او هټۍوالو سره اصلاحي ناستې وکړې
محتسبینو د خپلو ورځنیو کړنو پردوام او د امربالمعروف وزارت له لارښوونو سره سم په سمنګان، تخار، زابل او بلخ ولایتونو کې د سالم اقتصادي نظام د رامنځته کولو، نرخونو کنټرول، تاریخ تېر موادو له منځه وړلو، سود، احتکار او په ترازو کې د خیانت کولو د مخنیوي او د با کیفیته موادو بازار ته د وړاندې کولو په موخه له سوداګرو او هټۍوالو سره اصلاحي ناستې وکړې.
محتسبینو په دې اصلاحي ناستو کې ټینګار وکړ، چې په ورځنیو تجارتي کړنو کې الهي لارښوونې په پام کې ونیسي او له هغو ټولو بدو کړنو لکه سود، احتکار او ترازو کې کم والي څخه ډډه وکړي او ورته مهال یې سلګونه قلمه تاریخ تېر او بژ کیفیته خوراکي او غیر خوراکي توکې له منځه وړي دې.
د یادولو وړ ده، چې محتسبینو په دې برخه کې د خپلو کړنو له شروع سره په ټول هېواد کې زرګونه ټنه تاریخ تېر او بې کیفیته خوراکي او غیر خوراکي توکي له منځه وړي چې ور سره په بازارونو کې د غیر شرعي کړنو په مخنیوي کې د پام وړ بدلون راغلی.
