د امربالمعروف وزارت سرپرست د بلخاب ولسوالي له قومي مشرانو سره وکتل
شنبه - ۱۰رمضان المبارک – ۱۴۴۴ ه.ق
د امربالمعرو، نهی عن المنکر او شکایتونو اورېدلو وزارت سرپرست شیخ محممد خالد الحنفي د سرپل ولایت، بلخاب ولسوالي مشرانو او د اهل تشیع کمیسون غړو سره لیدنه وکړه
په دې لیدنه د بلخاب ولسوالي مشرانو د امربالمعروف وزارت سرپرست څخه د مننې ترڅنګ د اسلامي امارت سره د خلکو د همغږی په مورد خبرې وکړې او هم یې ژمنه وکړه چې د بلخاب ولسوالي ولسونه د اسلامي نظام ترڅنګ ولاړ دي او هم د امربالمعروف وزارت له کړنو څخه خوښ دي.
د بلخاب ولسوالي مشرانو وویل: یواځینی ادرس چې د خلکوستونزې اوري او هم ورته رسیده ګي کوي؛ امربالمعروف وزارت دی او باید لا زیات د خلکو د ستونزو د حل په موخه کار وکړي.
ورپسې د امربالمعروف وزارت سرپرست په خپلو خبرو کې وویل؛ موږ ټول سره وروڼه یو او اسلامي امارت د هیواد د ټولو قومونو د یووالي او شهیدانو د وینو په برکت تر دې ځایه را رسیدلی دی.
شیخ محمد خالد وویل، د اسلامي نظام په پلي کېدو سره د خلکو د حقونو ساتنه کېږي او دا د اسلامي امارت مسؤلیت دی چې د ولس فردي او ټولنیزو حقونو ته رسیدګي وکړي او دا چې په تېرو شلو کلونو کې د ولس حق تر پښو لاندې شوی و او شهیانو د اشغالګرو د ایستلو، اسلامي نظام د پلي کولو او هیواد ته د خدمت کولو په موخه جهاد وکړ او اوس د اسلمي امارت مشران هڅه کوي چې هیوادوالو حقه حقوقو ته رسیدنه وکړي.
د امربالمعروف وزارت سرپرست وویل؛ ددې وزارت دروازې تل د خلکو په مخ خلاصې دي او هم یې د بلخاب د خلکو ستونزو ته د رسیدګي په پار راغلیو مشرانو ته ډاډ ورکړ.
