د امربالمعروف وزارت سر پرست وزیر: د ښځو د شرعي حقوقو د ضیاع مخه ونیسئ
د امربالمعروف، نهی عن المنکر او شکایتونو اورېدلو وزارت سرپرست شیخ محمد خالد الحنفي نن ورځ خپلو ټولو ولایتي رئیسانو ته په استول شوي اختریز پیغام کې و ویل چې د ښځو حقوقو ته پاملرنه وشي او څوک پرینښودل شي چې حقوق یې ضایع کړي.
نوموړي د امیرالمؤمنین شیخ صاحب اختریز پیغام کې یاد شوي تیر شپږ ماده ییز فرمان ته په اشارې و ویل که کوم څوک د ښځینه مهر نه ورکوي، میراث یې ترې اخلي، د هغې له خوښې پرته یې په نکاح ورکوي او یا یې په بدو کې ورکوي محکمې ته یې معرفي کړئ.
همدا راز یې زیاته کړه چې خویندې کولی شی په دې اړه خپل شکایت په مرکز کې د امربالمعروف، نهی عن المنکر او شکایتونو اوریدلو وزارت ته او په ولایتونو کې د یاد وزارت اړوند ریاستونو، ولسوالیو کې آمریتونو ته وړاندې کړي او یا په لاندې شمیرو خپل شکایت شریک کړي.
