شیخ محمد خالد (الحنفي) د اروپایي ټولنې ځانګړی استازی توماس نیکولاسن خپل ملاقات ته ومانه

org_admin
پنجشنبه ۱۴۰۱/۲/۲۲ - ۹:۲۵
mopvpe

د امر بالمعروف نهی عن المنکر او شکایتونو اوریدلو وزارت سرپرست وزیر شیخ محمد خالد (الحنفي) د افغانستان لپاره د اروپایي ټولنې ځانګړي استازي توماس نیکولاسن او افغانستان کې د یادې اتحادیې شازداپیر سره لېدنه وکړه.

په دې لېدنه کې شیخ محمد خالد (الحنفي) لومړی هغوی ته ښه راغلاست و ویل او ورته واضحه یې کړه چې امر بالمعروف نهی عن المنکر او شکایتونو اوریدلو وزارت د نظام او د ټولنې د اصلاح لپاره جوړ شوی.

نیکولسن هم د امر بالمعروف نهی عن المنکر او شکایتونو وزارت یو مهم وزارت وبللو او و یې ویل چې ښه به دا وي چې په دې اړه یې د رسنیو پر ځای له تاسو واورو چې شیخ خالد ورته و ویل: انسان تر هر څه لوړ ارزښت لري او اسلام کې اصل دا دی چې د هیچا حقوق باید تلف نشي، امر بالمعروف او نهی عن المنکر معنا دا چې حکومتداري کې فساد ختم او ټولنه کې اصلاح رامنځته شي.

حنفي صاحب په خپلو خبرو کې یادونه وکړه چې زمونږ یوه مهمه برخه او دنده هغه دا ده چې د خلکو هغه شکایات اوریدل چې د امارتي کسانو له لوري یې حقوق تلف شوي وي او هغوی ته خپل حق سپارل دي.

شیخ محمد خالد (الحنفي) د هغه تازه فرمان په اړه چې د حجاب اړوند دی هم ورته واضحه کړه چې نوره نړۍ کې بې حجابي اجباري ګرزیدلې افغانستان یو اسلامي هیواد دی، حجاب د اسلام یو حکم دی مونږ هم د حجاب حکم صادر کړی،هر څه پکې واضح دي چې د نیکولسن له لوري هم تایید شوه او حجاب د اسلام د یو حکم په توګه د افغانانو خپل حق یې وګاڼه.

تازه خبرونه

چهارشنبه ۱۴۰۴/۴/۱۱ - ۸:۲۸
Background image

محتسبینو د ترافیکي پېښې له امله د راپورته شوي قتل موضوع د صلحې او تفاهم په فضا کې حل کړه

د میدان وردګ ولایت د امربالمعروف، نهې عن المنکر او شکایتونو اورېدلو ریاست اړوند د سیدآباد ولسوالۍ محتسبینو د سیمې د دیني علماوو او قومي مشرانو په منځګړیتوب د شیخ ‌آباد حوزې په مربوطاتو. . .

سه‌شنبه ۱۴۰۴/۴/۱۰ - ۹:۳۷
Background image

ډاکتران باید روښانه او د لوست وړ نسخې ولیکي

د خوست ولایت د امر بالمعروف او نهې عن ‌المنکر د قانون د پلي کېدو کمیټې په خپله اونیزه ناسته کې پرېکړه وکړه چې له دې وروسته به هیڅ ډاکتر ته اجازه نه وي چې رمزي، مبهمې یا نه ‌لوستل. . .

سه‌شنبه ۱۴۰۴/۴/۱۰ - ۸:۳۶
Background image

وروسته له دې به په خپلو کې سره د وروڼو په څېر ژوند تېروي

د فراه ولایت د امربالمعروف، نهی عن المنکر او شکایتونو اورېدلو ریاست محتسبینو د یاد ولایت په مرکز کلاته حاجي سرور کلي کې د دوو قومونو تر منځ څو کلنه دښمني په دوستۍ بدله کړه.

د فراه. . .

BACK TO NEWS