مولوي مُنیر؛امربالمعروف داسلامي ټولنې روح او د اصلاح تر ټولو غوره لار ده
پنج شنبه،ربیع الاول ۱۰، ۱۴۴۴
د ا.ا د امربالمعروف،نهی عن المنکر او شکایتونو اورېدلو وزارت د نظامي برخې مُعین شیخ الحدیث الحاج مولوي عبدالرحمن مُنیر ارزګان ولایت ته د یو رسمي سفر پر مهال د هغه د ځای مسؤلینو ته د یوې لوې ناستې پر مهال پخپلو خبرو کې ويلي: حاکم نظام مو د الله ج د نصرت او د ولس د همکاري ښکاره دلیل دی نو موږ باید د دې ولس قدر وکړو او ستونزو ته یې پر وخت رسیدګي وکړو.
دا رسمي سفر چې پکې د دې وزارت د نظامي برخې معین مولوي عبدالرحمن منیر سربېره د دې وزارت د علمي بورډ مسؤل مفتي عبدالحمید حماد او نورو ګڼو مسؤلینو پکې ګډون درلود.
ناستې ته مولوي عبدالرحمن منیر چې پکې د دې ولایت د امرباالمعروف رئیس مفتي کریم الله فقیر،امنیه قومندان ملا عبدالله او نورو ګڼو مسؤلینو ګډون درلود وویل:حاکم نظام د الله ج نصرت او د دې ولس همکاري وه اوس نو د دې لوی نعمت قدر او د دې ولس همکاري په کار ده چې باید ویې وکړو او د خلکو ستنزو ته پر وخت رسیدګي وکړو. ښاغلي منیر دغه راز امربالمعروف د اسلامي ټولنې روح وباله او له مسؤلینو یې وغوښتل چې د دې وزارت فرمانونه باید تر خلکو ورسول شي او په ټولنه کې د شته ستونزو مخه ونیول شي.
ښاغلي منیر همدارنګه ګډون والو ته د مشرتابه فرامین واورول او له دوی یې د جدي اقدام غوښتنه وکړه.
همدارنګه د یاد وزارت د علمي بورډ مسؤل ښاغلي عبدالحمید حماد ناستې ته پخپلو خبرو کې مسؤلین د امربالمعروف،نهی عن المنکر له کلمې سره بلد یاد کړل او د دې کلمې تطبیق یې د هر مؤمن دنده وبلله چې باید پر ځان او ټولنه یې پلي کړي.
په ورته وخت کې د دغه ولایت د امنیه قومندان ملا عبدالله او د دې وولایت د امربالمعروف رئیس مفتي کریم الله فقیر له وزارت څخه راغلي پلاوي ته د ښه راغلاست تر څنګ هغوی ته د هر ډول مرستې ډاډ ورکړ او دیادو کړای شویو فرامینو تطبیق یې خپل مسؤلیت وباله.
