د امربالمعروف وزارت معین کندهار کې د ۲۰۵ قول اردو له مسؤلینو سره ولیدل
یکشنبه، رمضان ۲۳، ۱۴۴۳
د امربالمعروف، نهي عن المنکر او شکایتونو اورېدلو وزارت معین عبدالرحمن منیر کندهار ولایت ته د خپل سفر پر مهال د دې ولایت د ۲۰۵ قول اردو له مسؤلینو سره ولیدل او له هغوی يې وغوښتل د امربالمعروف پیروي وکړئ او څوک چې له امربالمعروف سرغړونه کوي په اصل کې د الله ج له امر سرغړونه کوي.
د امربالمعروف وزارت معین د دې قول اردو مسؤلینو ته وویل: ((د خپل امر اطاعت وکړئ او د امر اطاعت د الله جل جلاله او د هغه د رسول صلی الله علیله وسلم اطاعت دی)) او زیاته يې کړه چې د امربالمعروف او نهي عن المنکر فرامین او هدایت منل د اوامرو اطاعت دی او نه منل يې د هغوی بې اطاعتي ده.
نوموړي همدارنګه وویل: د ا.ا.ا منسوبین باید تر چا وړاندې امربالمعروف په خپل ځان پلی کړي او په پای کې يې ټولو نظامي مسؤلینو ته د ا.ا.ا. د مشرتابه او امربالمعروف وزارت سپارښتنې واورولې.
